𝐓𝐮𝐛𝐚𝐨 𝐕𝐌 𝐑𝐨𝐦𝐞𝐨 𝐆𝐚𝐫𝐜𝐢𝐚, 𝐧𝐚𝐠𝐲𝐚𝐦𝐚𝐧 𝐠𝐚𝐩𝐮 𝐢𝐭𝐢 𝐩𝐚𝐧𝐚𝐠𝐩𝐚𝐮𝐭𝐚𝐧𝐠 𝐤𝐞𝐧𝐤𝐮𝐚𝐧𝐚 𝐭𝐢 𝐑𝐚𝐧𝐠-𝐚𝐲 𝐁𝐚𝐧𝐤

𝐓𝐔𝐁𝐀𝐎, 𝐋𝐀 𝐔𝐍𝐈𝐎𝐍 – Impeksa ni Tubao Vice Mayor Romeo S. Garcia ti panagyaman na iti Rang-ay Bank gapu iti panangpautang kenkuana ti bangko idi 1988.

Nagserbi ti Bise Mayor kas guest-of-honor kabayatan ti Inauguration and Blessing ti newly renovated a Tubao Branch ti Rang-ay Bank itay alas 9 ti agsapa (9AM), September 7, 2022 idiay No. 1 Verceles Street, Poblacion, Tubao, La Union.

Kabayatan ti mensahe ti Bise Mayor, inyestoria na nga idi 1988 ket awan ti mangayat nga agpautang kadakuada iti kabsat na a ni La Union 2nd District Rep. Dante S. Garcia.

Kinuna na nga idi ket agsapsapol isuna ken ti ading na iti agpautang kadakuada para iti negosio da a Sand and Gravel ken Hauling.

Nupay kasta, nagtalek kadakuada ti Rang-ay Bank ken nakautang da iti P500,000.00 ken ti laeng in-collateral da ket ti tagikua da a dump track.

Bigbigbigen ti Bise Mayor kas dakkel a banag ti panagpautang kadakuada ti Rang-ay Bank gapu ta nagresulta daytoy iti panagasenso ti negosyo da ken panagprogreso ti biag da iti ading na a ni Congressman Dante Garcia.